30 años acompañando las estrategias propias de manejo, control del territorio y los recursos naturales

SECTOR QUECHUA (35)

“Trojaman saqsachinapaq tarpuchkayku”

Tarpuymanta parlarirqayku Maribelwan, payqa Tiraque llaqta qayllapi tiyakun, tatanwan, mamawan papata tarpurisqanku, chaytataqri mink’arikuspa allarichkanku, papatari jallch’ananpaq aqllanku, chayta wawakunaqa yanapallankutaq. Yanapaq jinari yachaqakuchkallankutaq.

Entrevistada

"Maribel Rioja nuqanchispaq parlarichkan"

Añaskitu: Ima sutiyki?, machka watayuq kachkanki?

Añaskitu: Sutiy Maribel Rioja, chunka ukniyuq watayuq kachkani.

Añaskitu: Ñachu tarpuchkankichikña?

Maribel: Ari, kay wataqa tarpuyta qallarichkaykuña, wakin pawqar wara killa (octubre) tukukuyta tarpurqankuña.

Añaskitu: Pitaq tarpunapaq jallp’ata wakichin?

Maribel: Tatay á, paypuni jallp’ata unayña wakichirqa, llamp’uyachirqa, tikramurqa, q’ulacharqa.

Pagina 3 Siembra

"Tarpunaykupaq tatay jallp'ataqa phurmurichichkan"

Añaskitu: Mujutari pitaq wakichin?

Maribel: Ahh, chaytaqa mamay wakichirqa, k’achitusninta aqllan, khurusqata, q’uyusqata wikch’un.

Añaskitu: Wanuwanchu, abono quimicowanchu   tarpunkichik?

Maribel: Oveja wanuwan tarpuyku, tatay camionpi maymantachus rantimun, abono quimicotaqa mana churaykuchu.

Añaskitu: Qamri tarpuypi imata ruwanki?

Maribel: Ñuqaqa yachay wasiman rini, manaraq tukukuchkanchu, kuraqniy manaña yachaywasipichu pay tarpuypiqa yanapan.

Añaskitu: Payri imata ruwan?

Maribel: Tataywan wanuta, mujuta, chukchukata burrupi chakra pataman astanku.

Papa sembrada con wano

"Wanullawan papataqa tarpukuyku"

Añaskitu: Imapi wawakuna tarpuypi yanapanku?

Maribel: Tatay yuntawan jallp’ata llamk’an, mamayri qhipanta mujuta t’akaspa rin, wawakuna wanuta jich’ayku.

Añaskitu: Juqhariytawan watantinta mikhunapaqchu tarpuchkankichik?

Maribel: Aripuni, trojaman saqsachinapaq tarpuchkayku, chaymanta jurqhurispa watantinta mikhukuyku, papataqa manapuni rantiytaqa yachaykuchu.

seleccion papa

"Papa aqllaypi nuqapis yanapakuchkani"

Ajinata parlariyku Maribel warmi wawawan, payqa may chhika yachayniyuq. Jallp'api llank'ayqa may waliq, mikhunata puquchinku, ruwaspapuni ñaraq qhari wawa, warmi wawa imaqa imatapis yachaqakunku. Kay jina llank'aymantaqa wawakunataqa ama karunchanachu.

Qillqan: Julia Román M. - CENDA

Tukuypis yakuwanpuni kawsanchis, mana yaku kaptinqa ni ima kawsay jallp’a patapiqa kanmanchu. Yuyarinapaq Cochabamba llaqtapi 2000 wata may chhika runa yaku jawa uqharikurqa “Guerra contra la privatización del Agua” nisqapi, 1990 sudoeste potosino jallp’aspi yakusraykullataq sinchi uqharikuykuna kallarqayaq.

Evo Morales presidente yakusqamantapacha ninku Boliviaq economian wiñasqanta kimsa kutita jina. Imaynapitaq chay ajina kachkan? Producto Interno Bruto (PIB) percápita nisqaqa kachkan chay machkachá kapuynin, qullqichasqan wata junt’api.

Pasaq iskay p’unchay Noviembre killapi “Añaskitu” p’anqa jaqay Illataku (Vinto) pantiyunman ch’usarirqa, qhawaykachamunanpaq imaynata Todos Santos raymita ruwarinku. May waliqpuni kaq kasqa, jinapis iskay laya kawsay tinkun, llaqta kawsay campo kawsaywan.

Página 5 de 9

Contacto

logo

Av. Tadeo Haenke #2231

Teléfono: +591 4 4243412

Fax: +591 4 4281502

Casilla: 3226

Correo: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Cochabamba, Bolivia

Estamos en Twitter

Estamos en Facebook

Suscripción

Estamos preparando una base de datos de correos para enviar el resumen mensual de nuestras noticias.