Imprimir esta página

Niños y el Añaskitu

Ñawpa pachamanta kunan pachakama, jallp’a patapi kawsaqkuna tukuy laya mikhuykunata puquchinku, ajinamanta mikhuyninku watantinpi mana pisinanpaq. Chakrarunakuna watantinta puquchiypi llank’arinku jatun llaqtakunapi kawsaqkuna puquyninta mikhunankupaq.

Kay puquchina llank’aypi tukuy familia yanapakunku; wawakuna juch’uymanta pacha tatankuta yanapanku, chayrayku  kawsayninku uqhuki kay ruwaykuna kachkan:

Zona Andina chiqanpi, papa allana tiempopi, mama, tata, wawakuna ima, pacha puquy killamanta qallarinku (marzo), aymuray killakama (mayo) papa allayta tukuchinku.

papa en aguayo

Tukuy jallp’a patapi tiyakuqkuna papata tarpuspa kanku watantinta mikhunankupaq, nisunman mikhuyninkutaqa watantinpaq aseguraspa kanku.

Jawkaykuski killapiqa (junio) papa puquchisqankuta lakiyta qallarinku: Ch’uñupaq, mujupaq, mikhunapaq chanta ranqharimunapaq ima.

familia Quintana

Puquynin kuraqpuni chayqa llaqtaman ranqhariq apanku, chay qullqiwantaq waq mikhuykunata rantispa wasinkuman apanku, mana chayri imatachá munanku chayta rantikunku.

Jallp’a patapi tiyakuqkunapata ajinamin kawsayninkuqa, watantinta mikhuykunata tarpunku, saqra paramanta, uywamanta jark’aspa kanku, kikillanmantataq uywakunata wanurayku michinku.

papa en planta

Manataq unquykuchu, nuqayku puquyniykuta mikhuyku.

“¡Imaynalla kakuchkankichiq! Sutiy Lourdes Quintana, kani Cóndor Huta comunidadmanta, municipio Cocapata, provincia Ayopaya, Cochabamba departamentomanta. Mamayta, tataytawan papa allaypi yanapachkani.

Lourdes

Kaypi achkha runakuna tiyakuyku, tukuyniyku achkha jallp’ayuqkunaqa papata, uqata, tarpurispa kayku, mayusniykupis tiyan, chaymanta uywakuna misk’i yakituta upyarinku.

ríos Cóndor Huta

Nuqaykupata llama, alpaca, ovejakuna kapuwayku, yachay wasiman mana riptiyku uywakunata michimuyku. Comunidadniykuqa chiri manataqmi unquykuchu, nuqayku puquykunaykuta mikkuyku, kallpaykuta, yuyayniykuta kallpachayku.

Llamas

Comunidadniyqa sumaq k’achitu, loma k’uchumanta achkha cóndores phawa phawamunku, comunidadniyman chayraykucha chay sutita churanku

condor 2222

Munaspa jamuychiq waturiwayku; nuqayku sinchi kusisqapuni suyarisqayku” AÑASKITUMAN ajinata willarin Lourdes Quintana.

Nilda Pérez Guzmán- Técnico CENDA

Visto 100 veces Modificado por última vez en Martes, 31 Marzo 2020 18:06
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org/joomla30
Inicia sesión para enviar comentarios