Elecciones Generales 2020:
TESTIMONIOS:
Anastacio Saca, Norte Potosí: “Eleccionespiqa tukuy imata ruwasaq nispa purinku, lluqsiytawantaq qunqapuwanchik. Waliq propuestayuqchá atipanqa, partidos politicostaqa manaña creenachu. Mayqinpis ganachun, igual tukuy ima kanqa”.
“Organizaciones indígenas ancha politisasqa, wakin mana chayta munaykuchu. Organizaciones indigenasqa aylluq puriyninta qhawanan tiyan. Wakin dirigentes vendidos kanku a la politica del MAS, paykunapaq imatapis gananku, comunidadpaqqa mana ni ima kanchu”.
“AGRICULTURA; Productivo sectorniyku qunqasqa, gobiernoqa transgénica mujuta apaykamuchkanku, nativas mujusta chinkachichkanku, tarpuyku papa, avena, sara, trigo, oca”.
“JUSTICIA; ayllu Panacachi apaykachakuykuraq leyesniykuman jina, tata autoridad arreglawayku ima ch’ampaytapis, justicia ordinaria mana sat’ikamunchu”.
“AGUA; yakumanta parlaspaqa sinchi qunqasqa kayku, escuelaykupi yakuqa sinchi k’ara, acidezniyuq, kunitankama ni alcaldía ni pi, proyectota yakupaq ruwankuchu, nuqaykupaqqa yaku mana kanchu. Yakutaq q’ipikamuyku uk 300 metrosta cuesta arriba. Qhasilla ninku yakuqa derecho constitucional”.
Marcelina Calani Huanca, Chayanta NP: “Eleccionesta suyarispa kachkayku, campo runa jinaqa MAS partidota munayku kanallantapuni gobiernopi, waliqllata ruwarqa.
Añez gobiernoqa chiqniwayku campo runata, qhasilla bibliatapis uqharinku, escuelasta sayachin, proyectospis manaña kanchu, kay derecha gobiernoqa ‘campo-llaqta runa uklla kanachis’ ninan karqa, chayrayku mana votasaqchu derecha partidospaq.
Evowanqa campo runa respetasqa karqa, escuelas ruwakun, yankuna, Bolivia suyuqa wiñachkarqa, derechata manchikuyku campopiqa”.
Kay elecciones pasaqtin ¿Imataq chiqanyanqa?
Partidos Políticos kay eleccionespaq, parlallanku, parlallanku, mana allin propuestas kanchu pueblos indígenas originariospaq, k’achituta parlanku nitaq ninkuchu: Imatá ruwanqanku familias jallp’a puquchikkunapaq? Imatá ruwanqanku nativa mujusta jark’aranapaq? Certificada mujus yaykumuchkan, chay decretos transgenicosta phirinqankuchu? MANA kanchu chaykunamanta ch’uwitata parlay.
TUKUYPIS NINKU ECONOMÍA UQHARISUN, CHAYPAQRI KALLANQAPUNI EXTRACTIVISMO MINERO, HIDROCARBURÍFERO, AGRARIO, PACHAMAMATA CH’IRWALLANQANKUPUNI QULLQI BOLIVIA SUYUPI KANANPAQ, QHAPAQ ASWANTA QHAPAQYANANPAQ, WAQCHATAQ ASWANTA WAQCHAYANAPAQ, chayllata parlakunku partidos politicosqa, chaylla siminku junt’a.
Chay tukuyta uyarispa, organizaciones sociales nisqaqa mat’ina kanman politiquerosta, dirigentesta, kamachiqkunata, nuqanchik kikin sayaykuna, manachayqa KIKILLANPUNI tukuy imapis kanqa ¡UQHARIKUNA!
Imastataq chikllasun? Bolivia suyuta ch’irwanallankupaqpuni?
Jamuq domingo 18 p’unchay octubre killapi Elecciones Generales 2020 ruwakunqa, chaypi imata aqllasun? 130 diputadas y diputados, 60 plurinominales kanku, kaykunaqa lluqsinku may chhika votostaq presidentepaq kan, chayman jina; 63 uninominales kanku, kaykuna lluqsin mayoría votos válidosman jina, 7 kanku especiales, kaykunaqa kanku pisi Naciones y Pueblos Indígena Originario Campesinos qanchis departamentospi Bolivia suyupi.
Cochabambapaq aqllakunqa 4 senadores, 19 diputados 9 plurinominales, 9 uninominales, 1 indígena pueblos Yuqui y Yuracaré, jaqay municipios de Villa Tunari, Chimoré, Puerto Villarroel. Autonomía Raqaypampa mana chikllanqachu.