Acompañando las estrategias propias de manejo, control del territorio y los recursos naturales

Cochabamba warmisqa, sumaq makisniyuq kanku misk’i mikhunasta wayk’unapaq. Chayrayku warmi masiwan parlarimuyku, qankunaman chayachimunapaq misk’i ñawpa mikhunasta.

 

Kunanpitaq kay arroz api nisqata wakirichisunchis, chantaqa usqayllata chayan kay arroz apiqa.

 

Wakichikuna

 

- Arroz (uk chuwa)

- Leche (uk litro)

- Azúcar (munaskayki)

- Canela

 

 

AJINATA WAYK’UNA

 

Uk mankapi pisi yakullata canelayuqta churana, t’impuptintaq arrozta mayllarquytawan wich’uykuna, mama kucharawan qaywinallapuni, mankaq sikinman mana k’askamunanpaq, ñapis arroz chayarqusaptinña lecheta jich’aykuna, uk chunka minutosta tinpuchina, chaymanta azucarta jich’aykuna, ñawisniyki rikhunanta sankuyamunqa apiqa, qaywirispallapunitaq chayachina.

 

 

Echando leche

 

Arroz apiqa sumaq misk’i, achkha lecheyuq nispa nin mama Efrosina, payqa Cliza (Provincia Germán Jordán) llaqtamanta ajinata willarispa kawayku. Paytataq pachi ninchis.

 

Payqa wawamantapacha, tukuy laya mikhunasta wayk’uyta yachan. Arroz apiqa sumaq wawas kallpachakunankupaq, sut’iyaymanta kaytaqa wayq’urina kanman, manaraq wawas yachay wasiman richkaptinku.

 

 

Api hirviendo

Ajina sanqhitu lluqsinan tiyan, ch'uwaqa mana misk'ichu. Cochabamba Valle Altopi ajina arroz apiqa.

 

Escrito por: Lizbedt Sanchez Cano – UNSXX

Corrección: Julia Román M. - CENDA

Visto 2286 veces Modificado por última vez en Viernes, 02 Septiembre 2016 17:22
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org/joomla30
Inicia sesión para enviar comentarios