Chaypi karqanku qillqasqas iskay chunka comparsas, kusiyninkuta rikuchinankupaq, chantapis mink’arisqa karqanku qharis, warmis, wawas ajinamanta takirinankupaq, phinkiykacharinankupaq.
Chantapis mana chayllachu, sinchi kusiyta rikuchiqkunapaq, t'inkakuna karqa, chunka iskayniyuq t'inka jaywakurqa, (12º lugar). Khuchka ñawirina, ajinata t'ikarirqanku, phancharirqanku, culturanku riqsichispa.
T'INKAKUNA AJINA KARQA:
- Uk kaq t’inkata jap’irirqanku = Los Hijos de Tiraque (1º lugar) Bs. 3000.-
- Iskay kaq yupay jap’irirqanku = Copleritas de Anzaldo (2º lugar) Bs. 2000.-
- Kimsa kaq t'inkata jap’irirqanku = Verde Limoncitos de Vacas (3º lugar) Bs. 1000.-
- Tawa kaq yupay jap’irirqanku = Puka punchitus de Bolívar (4º lugar) Bs. 800.-
ATIPAQKUNATA RIQSIRINA:
Ñawpaq kaq T'inka
Iskay kaq T'inka
Kimsa kaq T'inka
Tawa kaq T'inka
May jinatapuni iskay chunka suqtayuq Festival Takipayanaku ruwarikurqa Chiwalaki comunidadpi, may chhikata tusurirqanku, wach'inarikurqanku Carnavales kacharpayapi. Ajinata culturanchikta pataman uqharina, amataq takipayanakupi mana kaqkunata ninakunachu, kawsayninchikmanta takirikuna. Radio Chiwalaki ñawpaqman rillachunpuni.
Vacas chiqaman Periódico "Conosur Ñawpaqman" chinpaykurirqa, kunantaq qankunapaq churarimuyku.
Sábado, 29 p'unchay febrero killa 2020 wata.
CENDA