Acompañando las estrategias propias de manejo, control del territorio y los recursos naturales

Suplemento infantil, Añaskitu

Almitaspaq p’unchayninmanta rimarisaykichik, imaynatachus suyanku Aymaya (Norte de Potosí) llaqtitapi, chantapis, imaynamantachus Tapukitu* yachakurqa almitasta suyanamanta, imaynatachus maman yachasqanta riqsichinqa.

Ajinamanta tukuy imata qhawarichisaykichik.
Unaymantapacha lluqallitu kachkaptiy alma raymi p’unchaypi masisniywan resamuq kayku, ñuqa coroq kani.

   Nispa:

“Liwqi liwqi puka chakiImamanchus jamurqanki

Diosninchiqchus rikhusunqa

 Chakiykita p’akisunqa”.

NIÑO PQUE

   

Manapuni qunqanichu, almitasta suyaqkuna wasiman resamuq riq kayku, t’anta wawaraykuqa maymanpis yaykullaq kayku, jina puriypitaq, almitas chamunku niqta uyariqkani, chay yuyaywan wasiman chayaytawan mamayta tapukuq kani:    

– Mamitay, mamitay almitas chamunku nin, imayna chayri?
Runa manchayta parlanku. Mamaytaq niwaq.
–Ari waway, almitasqa sut’iyaymantapacha chamunku,
chayrayku aya marq’ay** killapi almitasta raymichanchik, paykunaqa sayk’usqa yarqhaymanta ima chamunku, chayrayku mast’itapi suyachinchik yakituta upyanankupaq, mikhunitata mikhukunankupaq, aqhitatapis churariyku, t’antakunata, imatacha kawsayninpi mikhukuq chayta suyachinchik- nispa willawaq.

Juch’uymanta tapukitupuni kaq kani: kutichiwaq: almitaspaq mikhusqantaña mikhunchik chayrayku mana saqsanchikchu- nispa niwaq.

T’ukurispa watiqmanta tapullaqtaq kani.

– Mana waway, paykunaqa q’ayantin kusisqa, sumaq saqsasqa ripunku, wakinqa jatun q’ipiyuq ripunku imaynatacha tanta wata q’ipiykachanchik kikinta, t’anta wawa q’ipirisqa ripunku, mana suyanchik chayqa almitasqa llakisqalla kutipunku, nitaq ni imapi yanapawanchikchu, chayrayku almitasninchikta

 

JOVEN

    

Chay yachasqaymantapacha, kunan wañusqa awichituyta suyallanipuni, sapa wata, mast’itapi churapuni tukuy imitata. Awichituyqa manchay kankitata mikhukuq patitanpitaq aqhitatapuni upyakuq, chayrayku aqhitataqa churapunipuni. Manchayta awichituy munakuwaq, chayrayku manapuni qunqakunichu.

virgencita Be

 

Apachimun: Lic. Roberto Cazorla Mamani
Unidad Educativa “Chimboco” Sacaba - Cbba.

NPG

Visto 585 veces
Etiquetado como
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org/joomla30
Inicia sesión para enviar comentarios